१६ चैत, काठमाडौं । कलाकार र यातायात व्यवसायीबीच सवारी दुर्घटनामा ज्यान गुमाएकी लोक तथा दोहोरी गायिका मञ्जु महतको परिवारलाई क्षतिपूर्ति दिने सहमति भएको छ । सहमतिपछि महतको परिवार शव बुझेका छन् । यसअघि उचित क्षतिपूर्ति माग गर्दै कलाकारहरुले आइतबार विहान लैनचौर गल्कोपाखामा प्रदर्शन गरेका थिए भने गृहमन्त्री वामदेव गौतमलाई भेटेर दोषीलाई कारबाही गर्न माग गरेका थिए ।दिउँसो भएको वार्तामा उपचारका क्रममा ग्राण्डी अस्पतालमा भएको खर्च तिर्ने र महतको परिवारलाई १० लाख ५० क्षतिपूर्ति दिने सहमति भएको गायक बद्री पंगेनीले अनलाइनखबरलाई बताए । यस्तै दुर्घटना भएको मठेल-सामाखुसी मार्गलाई मञ्जु महत मार्ग घोषणा गर्न व्यवसायी सहमत भएका छन् । महतको सोमबार अन्त्यष्टि गरिनेछ । त्यसअघि प्रज्ञा भवनमा श्रद्धान्जलीका लागि राख्ने तयारी भइरहेको छ ।
No comments:
Post a Comment