गम्भीर घाइते भएकी उनलाई हेलिकप्टरबाट राजधानीमाखोटाङ, चैत १७ । खुकुरी प्रहारबाट जिल्ला अस्पताल खोटाङका महिला अहेब गम्भीर घाइते भएकी छिन् ।
खाल्ले–८ का २२ वर्षीय अशोक खतिवडाको खुकुरी प्रहारबाट १९ वर्षीया अहेब कविता दाहाल गम्भीर घाइते भएकी हुन् । खुकुरी प्रहारबाट अहेब दाहालको घाँटी, टाउको र देब्रे हातमा गहिरो चोट लागेको छ ।
दिक्तेल–९ सोल्माकी दाहाललाई खतिवडाले अस्पतालको आकस्मिक कक्षमै गएर आइतबार दिउँसो खुकुरी प्रहार गरेको प्रहरीले जनाएको छ ।
बेहोस अवस्थामा रहेकी दाहाललाई फिस्टेल एयरको हेलिकप्टरमार्फत काठमाडौँ लगिएको छ ।
वर्ष दिन अघिदेखिको प्रेम सम्बन्धलाई दाहालले अस्वीकार गरेका कारण खतिवडाले खुकुरी प्रहार गरेको बुझिएको जिल्ला प्रहरी कार्यालय खोटाङका प्रहरी नायब उपरीक्षक गोविन्दकुमार साहले जानकारी दिनुभयो ।
विवाहका लागि गरिएको प्रस्तावलाई अस्वीकार गरेका कारण दाहालमाथि आक्रमण भएको साहले बताए। खतिवडाले प्रेमिकाको हत्या गरेर आफूले आत्महत्या गर्ने मनसाय राखेको बयान दिएको प्रहरीले बताएको छ ।
खुकुरी प्रहार गर्ने खतिवडालाई प्रहरीले भाग्दै गरेको अवस्थामा पक्राउ गरेको हो । उनको साथमा रहेको झोलाबाट डोरी समेत बरामद गरिएको जिप्रकाले जनाएको छ । रासस
No comments:
Post a Comment