भिख मागेरै करोडपति, मृत्युपछि रहस्य खुल्यो

सडकमा हात फैलाउँदै भिख माग्नेहरु करोडपति हुन सक्छन भनेर तपाईले कहिल्यै कल्पना गर्नुहुन्न होला । त्यसैले त मानिसमा उनीहरुको दुःख देखेर दया र करुण पलाउँछ, अनि खल्तीबाट पैसा निकाल्दै उनीहरुलाई दिन्छन, ता कि एक छान खान पुगोस् ।

यिनै सडकमा भिख माग्नेहरु करोडपति पनि हुन्छन भन्ने हालै आएर खुलेको छ । घटना साउदी अरबको जेद्धाहको हो । जहाँ, झण्डै ५० बर्ष सडकमा भिख मागेर बिताएकी अन्दाजी एक सय बर्षकी एक बृद्धाको हालै निधन भयो ।

यी पपुलर बृद्धाको निधन त्यतिखेर संसारभरका मानिसलाई आँखा तिरमिर बनाउने भयो, जब उनी करोडपति भएको खुलासा भयो ।

१० करोडको सम्पत्ति

साउदी गजेट पत्रिकाका अनुसार यी बृद्धाको मृत्युपछि उनको सम्पत्तिको नालीबेली खुलेपछि जिब्रो टोक्ने अबस्थामा पुगेका छन् । स्थानीय बासिन्दाका अनुसार यी बृद्धासँग झण्डै ३० लाख रियाल बराबराको सम्पत्ति र झण्डै १ लाख रियाल बराबरको गरगहना रहेको पत्ता लागेको छ । आइतवारको बिनिमय दरअनुसार यो झण्डै १० करोड रुपैयाँको सम्पत्ति हो ।

उनी माग्दै आएको जिल्लामा मात्र उनका चारवटा घर रहेको पाइएको छ । इसाका बाल्यकालका साथी एवं उनलाई निकै लामो समय हेरबिचार गरेका अहमद अल सेदीका अनुसार उनी लामो समयदेखि सडकमा भिख माग्दै आएकी थिइन् । उनकी आमा र बहिनीबाहेक अरु कोही पनि नातेदार थिएनन् । उनका आमा र बहिनी पनि मगन्ते नै थिए । उनीहरु सवै मिलेर मागेको पैसाबाट यो सम्पत्ति जोडन सफल भएको उनले सुनाए ।

‘उनीहरुले चाडपर्वका बेला, बिशेषगरी इदका बेला निकै ठूलो धनराशी पाउँथे’ अहमदले सम्भिmए- आमा र बहिनीको मृत्युपछि पनि इसाले माग्ने कर्म छाडिनन् ।’ निकै धेरै पैसा कमाइसक्यौ अब माग्न छाडिदेऊ भनेर निकैपटक सम्झाए पनि इसाले १ सय बर्षको उमेरसम्म पनि सडकमै बसेर मागेको उनले सम्भिmए ।

इसाले सइदलाई १५ बर्षअघि थुप्रै सुनका गरगहना दिएकी थिइन् । अप्ठेरो परेका बेला यो काम लाग्ने उनले आफुले नभन्दासम्म नबेच्न आग्रह गरेकी थिइन् ।

अहिले ती सवै गरगहना उनले प्रहरीलाई जिम्मा लगाएका छन् भने स्थानीय अदालतलाई पनि इसाको बेबारिसे सम्पत्तिबारे जानकारी गराएका छन् । कानुन बमोजिम उनको सम्पत्ति हस्तान्तरण गर्ने उनले बताए ।

जग्गाको भाडा लिइनन्

इसा जति अरुबाट लिन्थिन, त्यति नै दानी पनि थिइन् । उनको घरमा भाडामा बस्नेहरुसँग उनले कहिल्यै पनि भाडा लिइनन् ।

अहिले उनका ती चारवटा घरमा बस्ने मानिसले पुलिसलाई पुरा भाडा दिनुपर्ने या घर छोड्नुपर्नेबारे केही बताइएको छैन । इशाका साथी सइदीले अब इशाको सबै सम्पत्ति गरिबलाई बाँडिदिए उचित हुने बताउँछन् ।